Bargunseñer interactiv

Sejas beñvgnis!

Igl rumantsch è eña liñgua neolateña discurregda tranter oter an Svizra, eñt igl chantoñ Grischuñ. Segl cumfeñ liñguistic digls idioms puter a surmirañ as rechatta Brauegn. Igl rumantsch da kist lia è eñ dialect: igl bargunseñer

La lingua veñ discurregda dad eña minorited, a pargliez egl tant pi important da mettar an salv igl ses patrimoni. Uscheja è’la digl 2014 gnegda fundeda la plattafuorma „Bargunseñer interactiv“ cun l’intenzioñ da preschanter an maniera differenzcheda a detaglieda, ke chi è speciel a caracteristic pagl dialect da Brauegn. Par adatter pleds chi manchan, par s-chaffégr eñ vocabulari pi vast, egl radschunegvel da consulter ulteriogrs dicziunaris (online), surtot kels ladins (puter/vallader) agl PLEDARI GROND.

„Bargunseñer interactiv“ dess assar eñ forum virtuel par tot kels chi vegvan an vischnancha ad utro — chi seja par cultiver la liñgua materna, chi seja par amprendar bargunseñer u simplameñz par s’aviciner or dad interess culturel ad eñ dialect unic eñt la geografia liñguistica rumantscha.

 

Angrazchameñt!

Less an kist’occasioñ m’añgrazcher an prema lengia tigl Gion-Andri Cantieni da Sagogn par la sê collavurazioñ añgascheda. Las ses cugnuschentschas a la sê experienza cullas plattafuormas PLEDARI GROND a VOCABULARI SURSILVAN online en stedas fundamentelas par transfurmer idejas rudimenteras an kista preschentazioñ.

Grond susteñ d’eja surgni er dla mê mamma, dl’Ursula Nicolay-Falett, digl Pol Clo Nicolay agl Gian-Peder Gregori, alogra digl Kuno Widmer (DRG) agl Daniel Telli (LIA RUMANTSCHA) a finelmeñz dl’Anni Meier-Palmy a digl Beat Rauch/Pol Clo Nicolay, chi an pronunzcho an maniera correcta a sonora igls siñguls pleds pagl otplededer.

Las segueñtas instituzioñs an contribui cun eñ susteñ finanziel:
PRO BRAVUOGN, LIA RUMANTSCHA, CHANTOÑ GRISCHUÑ,
VISCHNANCHA DA BRAUEGN, FUNDAZIOÑ CORYMBO

Linard Nicolay
an marz digl 2016